Тиквешко виногорје, Демир Капија

Состав: 100% Вранец

Опис на вкусот:
Ова исклучително вино Вранец Perfect Choice е сублимат на традиционалното и модерното, комбинација на високо квалитетно грозје и најмодерна технологија. Се одликува со длабока рубин боја, арома на презреана цреша и боровинки. Вкусот е богат и разнообразен, полн и долг. Зреено најмалку 12 месеци во четири различни видови на дабови буриња, ова вино преставува вистинска класика на совршенство! Ви препорачуваме да го декантирате 20 минути пред да го конзумирате. Секогаш совршен избор! 

Комбинација со храна
Прекрасно е во комбинација со дивеч, а предлагаме да се проба и со црно чоколадо.

Анализа на виното:
Вкупни киселини: 6,1 грама на литар
Шеќери: 2,2 грама на литар
Алкохол: 14 % вол.

Берба:
По умерено врнежливата зима следуваше топла пролет, со што се создадоа идеални услови за предвремен почеток на сезоната. Врнежите беа во нормални количини и рамномерно распределени во текот на целата година. Овие услови, кои што имаа ист тек и за време на бербата, допринесоа за висок квалитет на грозјето од оваа година и создадоа одлични услови за експертските тимови за правење и берење на грозјето. Грозјето се береше на крај на Октомври, доцна берба, со 10-15% стафидирани грозја. Грозјето се береше рачно во доцни, посвежи, вечерни часови и потоа се ставаше во гајбите.

Создавање на виното:

•  Мелење на грозјето
•  48 часовна ладна мацерација на 15°C
• 10 дневна ферментација на 23-25 0 С степени за време на која два пати се прави целосен „ремонтаж“
• Јаболчно млечна ферментација
• Зреење на виното во 4 вида на дабови буриња ( Македонски, Француски, Американски и Унгарски) во времетраење од 12-18 месеци
• Тивка ферментација во танкови во траење од 5 месеци
• Бистрење, стабилизација и флаширање
• Виното се остава да одстои 1 година во шише пред да се пушти во продажба.

Награди:

• Златен медал за Вранец Перфект Чоис 2005 – Саем за вино Сплит 2009
•  Златен медал за Вранец Перфект Чоис 2005  - Вински фестивал Виноскоп Скопје 2008
• Сребрен мадал за Вранец Перфект Чоис 2005 - Саем за вино Нови Сад
  2009
• Сребрен медал за Вранец Перфект Чоис 2005 - Кралски вински
  натпревар Белград 2009

Тиквешко виногорје, Демир Капија

Состав: 100% Каберне Совињон

Опис на вкусот:
Нашиот Каберне Совињон Perfect Choice е фантастичен производ од
Тиквешкиот регион. Има полно тело и богата темно црвена боја. Ова вино е
симфонија од ароми: ванила, какао и џем од црни сливи, кои се чувствуваат и
во вкусот. Зреено најмалку 12 месеци во четири различни видови на дабови
буриња, неговиот богат вкус и одлично тело завршуваат во неверојатен,
долготраен финиш. Произведено во година на одлична берба во лимитирани
количини, ова е можност што не треба да се пропушти. Вистинска рапсодија на
вкусови! 

Комбинација со храна:
Препорачуваме виното да се конзумира на собна температура во комбинација
со црвени меса, а за љубителите на експерименти ја предлагаме и
комбинацијата со традиционални aзиски јадења.

Анализа на виното:
Вкупни киселини: 5,7 грама на литар
Шеќери: 1 грама на литар
Алкохол: 13 % вол.

Берба:
По умерено врнежливата зима следуваше топла пролет, со што се создадоа идеални услови за предвремен почеток на сезоната во 2014 година. Врнежите беа во нормални количини и рамномерно распределени во текот на целата година. Овие услови, кои што имаа ист тек и за време на бербата, допринесоа за висок квалитет на грозјето и создадоа одлични услови за експертските тимови за правење и берење на грозјето. Грозјето се береше од посебен “terroir” на 500 метри надморска височина. Секој грозд е рачно набран и потоа ставен во гајби со цел да се одберат најдобрите делови од грозјето, имајќи притоа целосна контрола над процесот на ферментација. Бербата беше во раните утрински
часови со цел да се сочуваат аромите во нивната најдобра состојба.

Создавање на виното:

• Мелење на грозјето
• 24 часа ладна мацерација на 12 0 С
• 10 дневна ферментација во текот на која се одвива и мацерација на 20-24 0 С степени
• Јаболчно млечна ферментација
• Процеси на бистрење и стабилизирање на младото вино
• Зреење на виното во 4 вида на дабови буриња ( Македонски, Француски,
  Американски и Унгарски) во времетраење од 12-18 месеци
• Виното се остава да се развива во шишиња 8-12 месеци

Награди:

•  Златен медал за Каберне Совињон Перфект Чоис 2005 – Кралски вински
  натпревар Белград 2009
• Златен медал за Каберне Совињон Перфект Чоис 2005  - Саем за вино
  Сплит 2009
• Златен медал за Каберне Совињон Перфект Чоис 2005  – Саем за вино
  Мостар 2009
• Златен медал за Каберне Совињон Перфект Чоис 2005  - Саем за вино
  Нови Сад 2009
• Сребрен медал за Каберне Совињон Перфект Чоис 2005  - Вино и
  алкохолни пијалоци Варшава 2007, ценовна категорија над 17 евра

Тиквешки вински регион, Демир Капија

Состав: 100% шардоне

Опис на виното:
Шардоне Барик е бело вино со блескавa жолтo-зелена боја. Виното покажува богата
палета од ароми - зрели жолти овошја, ананас, праска, нијанси на ванила и бело
чоколадо, истакнати на база на минерална чистота. Вкусот е со многу добра структура
и хармонија. Во него се издвојуваат аромите на путер, круша и овошен пудинг. Има
сочен финиш и траен впечатлив послевкус што се задржува со сензуална зрелост од
барик.

Комбинација со храна:
Се конзумира изладено до 12°C степени со бели меса и паста.

Анализа на виното:

Вкупни киселини: 5,70 грама на литар

Шеќери: 1 грам на литар

Алкохол: 14,6 %

Берба:
Сезоната оваа година беше одлична во многу работи, беше најтопла, најрана и
без сомнение една од најдобрите сезони за развој на одличен квалитет на
овошјето. Во месецот февруари имаше невообичаено високи температури, по
што следеа малку поладни температури во март што даде одлични предуслови
за развој на вкусовите. Грозјето се береше во август во свежите, утрински
часови. Секој грозд беше рачно набран со најдобрите показатели на киселини и
шеќери.

Создавање на виното:

• Грозјето се меле и се отстрануваат дршките
• 6 часовна ладна мацерација на 15° пресување
•  спонтано таложење на ширата во текот на 24 часа
• ферментација на 14-15°C при контролирана аерација
• бистрење
• Најмалку 3 месеци одлежување во дабови буриња
• флаширање

Награди:

• Сребрен медал за Шардоне Барик 2007 – Саем за вино Мостар 2009
• Признание за Шардоне Барик 2007 - Саем за вино Сплит 2009