Попова Кула има засадено прекрасно поле со лаванда. Од овие миризливи растенија ние произведуваме органско масло и хидросол, но организираме и неверојатни фотосесии пред да го ожнееме цвеќето. Добредојдовте и вие на фотосесијата во последните две недели во јуни.

Св. Богородица е заштитник на Демир Капија. Локалната црква е Св. Богородица. Овој празник се празнува секоја година на 28 Август а на Попова Кула ова е и роденден. Затоа секоја година организираме забава. Таа забава ја обележуваме и како старт на нова берба. Ве покануваме да ни се придружите.

На крај од секоја берба, по напорната работа организираме забава. Точниот датум никогаш неможеме да го одредиме точно затоа што се зависи од климата но обично тоа паѓа во првите две недели од Октомври. Ова го најавуваме неколку дена пред настанот на нашата веб страна и ве покануваме да ни се придружите.

Секоја година организираме спектакуларен дочек за Нова Година во нашиот ресторан и хотел. Совршени вина, вкусна и богата храна, музика во живо, огномет и забави - се она што нашите клиенти го сакаат.

Меѓу празници кои македонскиот народ ги празнува со многу обичаи спаѓа и Св. Трифун, празник главно познат по обредното закројување на лозјата. Св. Трифун како заштитник на лозарите и градинарите секоја година е на 14 февруари и истиот е посебен ден за нас и нашата винарија, кога свештеникот пее молитви и го благословува нашето виногорје да биде здраво и плодно. По молитвата обично прославуваме со вино и музика. Бујрум!

Меѓународниот ден на жената е традиционална прослава во Македонија. Ние организираме специјални понуди, мени и забава за најнежните и најпрекрасните дами! Вообичаено овој празник го означува и почетокот на новата туристичка сезона.

Меѓународниот ден на трудот, кој се празнува во многу земји, е убав пролетен празник. На двор, под топлото мајско сонце, да се релаксираме со традиционална македонска скара, вино и музика. Ние организираме, а вие уживајте во нашиот широк двор и прекрасниот амбиент!